مسجات في غاية الروعة

اقول بكره ينتهي الهم وألقاك
ويطلع علي الصبح أقول باكر
ضايع بدونك بين شوقي وذكراك
أنا اعترف بالضعف مقدر اكابر
الصمت بيت ودمعتي ألف شباك
والهم باب وغيبتك ألف زاير


ミミミ


عني تغيب ايام تظهر لها أيام
مدري ولع او قصدها زود تشويق
ان كان تشويق تراني من العام
ميت وحبك حي بين المعاليق
وكانه دلع ياحسرتي منه لي دام
وشلون اقاوم سطوته ساعة الضيق

ミミミ

من امس وقلبي خفقته ماهي بخير
من يوم غابت عن سمايا بروقك
يومين وهمومي بقلبي طوابير
وانت الوله ما يبلل عروقك
كانه بخل.... . ؟؟
حول علي الفواتير... !!
وكانه ثقل....... ؟؟
الله يلين خفوقك..... !!!

ミミミ

نويت أسلم لك عيوني قبل لا امشي
ما ودي اشوف غيرك لا ارتفع رمشي
ياللي عيونك تلوح بالفرح كوني
قلبي اعرفه بدونك يشعل جنوووني

ミミミ

تدري بعد ماغبت وش كنت أسوي..
كنت وخيالك مثل جفن ٍ على عين
كنت أنتظر والوقت .. كنه عدوي
لاطااااال .. زاد الشوق فيني بضعفين..
حتى قبل ملفاك .. هالحين .. توي
سافرت أفكربك / ولاأدري على وييييين..!!

ミミミ

يانور عيني فرقتنا المقادير
والكل منا مبعدن عن خليله
حكم القدر ياصاحبي لازم يصير
وليا حكم محدن يحاول يزيله
مدري من ايام الدهر حصل تقصير
ولا صدوف الوقت صارت بخيله



يكلمني عن جروحه وأنا من سبته مجروح
يسولف لي عن أحبابه واسولف عنه لحاله

أحس في دمعة عيونه..وتطلع من بكاه الروح
وإذا يفرح مع غيري بكى قلبي وهنا له

ミミミ

يفداك عمري بس تضحك لياليك ..
ولا أشوف في عينك للأحزان دمعه .
غلاك عندي ما يجي فيه تشكيك ..
لو بجمعه ,, يصعب على الروح جمعه .
متعلي قدرك ,, ولا أحد يوازييك ..
ولا همني غيرك ولو سال دمعه .

ミミミ

ابعد عن عيوني..
ترى جرحك مأذيني
واتركني من ظلمك..
وارجع وجافيني
لأنه بقربك الدنيا..
أسود من سواد عيني
تعلمني أكون قاسي..
وأسلم أمري بايديني
وأحط الحرة بالغدار..
غدر بشعوري وفيني

وينك..؟؟

يامن رست لك كل المحبه رضايف،.
وأرخيت لك حرفن من الغلا مذبوح،.
ترى الغلا مب شرط تنطقه الشفايف،.
بس شرط تشعر به لو المسافه سفوح،.

ミミミ

انت الوفا يوم الوفا من سجاياك
وانت الغلا يوم الغلا فيك مجنون
وانت العزيز اللي على العز مرباك
وانت القصيد اللي على القاف موزون
يحلا الكلام ليا طلع من شفاياك
و يصير له.. روح و يدين و عيون

ミミミ

أنت عمري وابتسامات العذاب
وأنت من غيرك ترى ماني امحسوب
مثل الصفر خالف أرقام الحساب
في شماله تاه يبحث عن جنوب
مابقالي قلب يدرك للصواب
تعصف بفكري متاهات الدروب
وارجع لنفسي وأحملها عتاب
وأهرب بهمي ولاينفع هروب



سامحني لو ابتعدنا كثير ..
بس قلبي لو طلبته ما ابتعد .
رافض بعدك ولو جرحه أثير ..
ينتظر رجعه حبيبه والسعد .
ما طلبتك تترك عيوني تحير ..
في مدامعها عيونك للأبد .
صدقني قدرك الغالي كبير ..
وسط قلبي ما يساوي له أحد .

ミミミ

ابي أكتب قصيدة حب أبي تفهم معانيها
اريدك بين هالعالم تفاخر يوم تقراها
أبيك لحروفها تطرب أبي غيرك يغنيها
أبي لامن سألك أنسان من اللي فيك سواها؟
تقول: اللي سكن قلبي وروحه بي معنيها

ミミミ

يا مخاوي الشوق نارالشوق بزياده
وكثرة همومي ولادري وش تواليها
اكتم بقلبي عذاب الوقت وعناده
والونه اللي عن الحساد مخفيها
واخشي من الوقت والدنيا لهاعاده
لا تامن المر لو زاد الحلى فيها

ミミミ

قالوا:يحب ك قلت: لا تظلمونه
قالوا : يبيك قلت : يا ناس تكفون
أنا عرفته قبل ما تعرفونه
ما قال احبك انتوا اللي تقولون
أنا دخيل الله لاتجبرونه
الحب من رب السما خالق الكون

ミミミ

ما عاد لي قلب ضلوعه تضمه
وش كثر راح من الشقا وش بقى كم
اللي رضع من عمر الايام همه
يموت قلبه ما تعافى من الهم
يا ليت لي جرح وينشاف همه
زود البلا منجرح ما شيف له هم

ミミミ